Innskráning

Eftirréttir

Banana- og hnetukaka með kókos-sítrónukremi
(10 sneiðar)

Hráefni:

80 g cashewhnetur

80 g möndlur

110 gr döðlur

2 msk carobduft (dökkt eða ljóst)

1/2 tsk kanilduft

1 tsk vanilludropar

35 gr kókosflögur

1 tsk ólífuolía

3 msk appelsínusafi

2 msk sítrónusafi

2 stórir, vel þroskaðir bananar.

Aðferð:

1. Setjið cashewhnetur, möndlur, carobduft, kanilduft, vanilludropa og appelsínusafa í matvinnsluvélina.

2. Blandið vel saman. Setjið í skál. Setjið döðlurnar í blandara og bætið saman við hnetublönduna.

3. Hrærið saman banana, sótrónusafa og kókosflögunum, sem er kremið og geimið í kæli.

4. Setjið plastfilmu í kökumót og þrýstið hnetublöndunni vel ofaní. Skerið bananann í sneiðar og raðið ofaná botninn.

5. Setjið í frysti i 10 til 30 mín, hvolfið varlega ofan á kökudisk.

6. Smyrjið kreminu ofan á. Skreitið með berjum eða ávöxtum og ½ tsk af rifnum sítrónuberki (passa að rífa ekki hvíta hlutann með).

Í hverjum skammti eru 230 hitaeiningar og rikulegt magn af E-vítamíni og fosfór.

Ofnbakaðir ávextir með vanillujógúrt

Hráefni:

500 g vínber

2 rauð epli

2 perur

3 dl létt vanillujógúrt

2 msk hrásykur

Aðferð:

Stillið ofninn á grill.
Skerið ávextina í bita. Deilið þeim niður í fjögur lítil eldföst form (eða í eitt stórt eldfast mót).
Hellið vanillujógúrtinu jafnt yfir.
Stráið sykrinum yfir.
Setjið í ofninn og grillið þar til sykurinn fer að brúnast. Eða brúnið sykurinn með gasbrennara.
Berið strax fram.

Í hverjum skammti eru 213 hitaeiningar og ríkulegt magn af C-vítamíni og trefjum.

Jarðarberjamús

(fyrir 4)

Hráefni:

2 matarlímsblöð

3 dl létt vanillujógúrt

safi af 1-2 sítrónum

börkur af sítrónu

250 g jarðarber

Aðferð:

Leggið matarlímsblöðin í bleyti í 5 mínútur
Maukið jarðarberin gróft
Hrærið saman vanillujógúrt, jarðarberjum og sítrónuberki
Hellið vatninu af matarlímsblöðunum
Bræðið þau út í sítrónusafann við vægan hita
Hellið út jógúrtblönduna og hrærið varlega
Hellið í fjögur glös og látið standa í kæli í a.m.k. 2-3 tíma

Í hverjum skammti eru 109 hitaeiningar og ríkulegt magn af C-vítamíni og steinefnum.

Ávaxtasalat

(fyrir 4)

Hráefni:

½ mangó

½ ananas

½ epli

1 banani

125 g jarðaber

1 kíví

12 msk jurtaís

Aðferð:

Skerið ávextina smátt og í lystuga bita
Setjið ísinn í botninn og raðið ávöxtunum fallega yfir.

Í hverjum skammti eru 192 hitaeiningar og ríkulegt magn af C-vítamini og Fólansí

Apríkósusmákökur

Hráefni:

3 dl hveiti

2 1/3 dl haframjöl

2/3 dl sykur eða tæplega 1/2 dl agave sýróp

3/4 dl matarsódi

2/3 dl apríkósusulta

2/3 dl vatn

1 1/4 dl þurrkaðar, saxaðar apríkósur

olía

50 g möndluflögur eða 36 möndlur

Aðferð:

Setjið hveiti, haframjöl, sykur eða sýrópi og matarsóda í skál og hrærið vel saman. Bætið síðan vatninu og sultunni út í og hrærið.
Í lokinn bætið þið smáskornum apríkósubitum saman við og hrærið allt varlega saman.
Fristið deigið í nokkrar mínótur, þannig er auðveldara að vinna með deigið og búið síðan til 36 stk. af 2-3 cm kúlum eða bitum og raðið á plötuna.
Stráið síðan nokkrum möndluflögum yfir hverja köku eða þrýstið einni möndlu í hverja þeirra.
Bakið við 180 C þar til kökurnar eru ornar gylltar ( í 15 til 18 mínótur)
Eftir að kökurna hafa kólnað í mínótu er gott að flytja þær yfir á bökunargrind.

Í hverri köku eru u.þ.b. 40 hitaeiningar og ríkulegt magn af kolvetnum og trefjum.

Súkkulaðibitakökur Sollu

Hráefni:

1 ¼ dl olía t.d. kaldpressuð kókosolía
2 ½ dl agavesýróp
1 egg
½ tsk vanilluduft
1 ½ dl kókosmjöl
2 ½ dl tröllahafrar eða aðrir hafrar
2 ½ dl hveiti
1 ½ tsk lyftiduft
1 msk vatn
100g súkkulaði

Aðferð:

Hitið ofninn í 220°C og setjið bökunarpappír á bökunarplötu.
Hrærið öllu saman í hrærivél eða í skál.
Setið deigið á bökunarplötu með matskeið.
Bakið í 6-10 mín.

Í hverri köku eru um 45 hitaeiningar og ríkulegt magn af kolvetnum og trefjum