E6

Góðan daginn,

Ég vona að allir geti mætt á dansæfinguna í dag, einungis tvær æfingar eftir fram að sýningu.

Í dag 14.mars og næsta fimmtudag 21.mars eru samæfingar með hóp C4 þ.e. eldri nemendur sem leika Pétur Pan eldri verða með okkur á æfingunum. Tíminn í dag er kl.16:30 eins og venjulega.

Ath. fimmtudaginn 21.mars er æfingin lengri en venjulega þ.e. frá kl.16:10 – 17.10. Þá förum við í búninga og eru foreldrar beðnir um að hjálpa til við að klæða nemendur í búningin. Þetta er lokaæfing fyrir sýningu.

Varðandi sýninguna:
Á sýningardaginn - Sunnudaginn 24.mars
Mæting kl.11.00 í Borgarleikhúsið Tekið er á móti nemendum bakdyramegin og þeim vísað þaðan til búningsaðstöðu (matsalur 3 hæð). Nemendur fá búninginn sinn í leikhúsinu hjá mér, foreldrar eru beðnir um að hjálpa til við að klæða nemendur í búninginn, þegar nemendur eru komnir í búninginn mega foreldrar fara en ef fólk vill vera aðeins með nemendum í stemningunni þá má alveg vera með okkur þar til við förum á sviðsæfinguna kl.11:40.

Hárgreiðsla: Skellibjalla er með ballettsnúð í hári, best er ef nemendur geta komið tilbúnir með ballettsnúð í hári en annars greiðum við þeim í leikhúsinu. Ef hár er stutt þá þarf ekki að setja ballettsnúð en gott er að spenna hár frá andliti. Pétur Pan junior er ekki með neitt í hári, bara vel greiddur.

Æfing á sviði kl.11:40: Hópurinn fer með kennurum sínum og aðstoðarfólki niður á svið og þar er tekin létt æfing.
Eftir æfingu er tími til að fara á klósett og pústa aðeins, jafnvel fá sér smá nesti s.s. banana eða eitthvað létt.

Sýning hefst kl.13, foreldrar horfa á alla sýninguna, ekki hafa áhyggjur af okkur baksviðs, njótið sýningarinnar.
Eftir að nemendur eru búnir að sýna (eru frekar framarlega í dagskrá) er farið upp í matsal og þar borðum við nesti. Munið hollt og gott nesti J. Einnig má hafa með sér spil, litabækur eða eitthvað dót til að leika sér með baksviðs.
Í lok sýningar ( um kl.14) fara allir nemendur á svið og hneygja sig.

Foreldrar koma síðan að sækja nemendur bakdyrameginn eftir sýningu, við verðum í matsalnum 3.hæð þar til búið er að sækja alla.

Að lokum,
Miðasalan er í fullum gangi á Tix.is og í miðasölu Borgarleikhússins s: 5688000. Vonandi eru allir búnir að næla sér í miða en ef ekki þá er um að gera að kaupa miða sem fyrst, hér er linkurinn inn á tix https://tix.is/is/event/7704/nemendaleikhus-jsb-2019/

þetta verður stórkostleg skemmtun og mikil upplifun fyrir alla, jafnt nemendur sem áhorfendur.

Ef eitthvað er óljóst hafið þá samband til baka,